Vergilius Vaticanus est manuscriptum illuminatum circa annum 400 Capitali rustica scriptum, quod in Bibliotheca Apostolica Vaticana signo Cod. Vat. Lat. 3225 asservatur. Opera Publii Vergilii Maronis continet: Fol. 1r-10r: Georgica (fragmenta). Fol. 11r-75v: Aeneis (fragmenta). Fol. 76r-v: Aeneis (fragmentum saeculi quinti). In editionibus siglo F refertur.
Ex circiter 245 miniaturis in circiter 420 paginis 50 miniaturae in 76 paginis exstant, quae inter optima artis librorum pingendorum opera antiquitatis posterioris numerantur, exemplar manuscripti illuminati antiquissimum et forsitan antiquissimus Vergilii codex, cuius non mediocris pars exstat.
© MMXXIII Rich X Search. We shall prevail. All rights reserved. Rich X Search